وته توته محسنه توفيق تروى الحدوته ِ

مكتوب بواسطة عبد الرحمن
  • منذ 3 سنة
  • 651


وته توته  محسنه توفيق تروى الحدوته ِ

كتب شريف عبد الوهاب
رئيس الشعبه العامة للاذاعيين العرب

حلت اجواء ونفحات  شهر رمضان على الاذاعه المصريه ,والكل يبحث   عن نجوم لبرامجه , ووقع اختيارى عليها فهى أيقونه المسرح والسينما والاذاعه ,لم تكن تؤدى بل كانت تتقمص ,وتعطى للشخصيه  بعدا اخر, حيث  تسبح فى مكنون الحروف والكلمات على الورق ,لتجسد منها  شخصيه من لحم ودم ,إنها  الفنانه القديره محسنه توفيق
ذهبت إليهاعندما علمت بوجودها فى استديوهات الدراما, كانت تجلس  فى الاستراحه ,  بعد أن قامت بأداء مسمعا لها ,  وتستعد للمسمع التالى,أٌقتربت وحاولت  أن اجد طريقه جديده للتعرف عليها, فقلت : انت ست حسن حواديت توته توته, قالت  بدهشه:ماذا تقصد؟ قلت : اريدك ان تجسدى شخصيه ست الحسن, قالت :ممكن تأتى البيت واطلع على الموضوع , فعندما انظر الى الورق سوف افهم ,انا  الان لا افهم شئ فى هذا التوقيت انا مخى تخين شويه,لاننى فى الشخصيه التى امثلها, فى البيت هعرف هى أيه الفكره بالتحديد.   
كانت فرحه كبيره  جدا لى ,أن احصل على هذا الموعد, ولكن  عندما وصلت وجدت بواب العماره ينظر لى بريبه وتوجس, وهو يصعد معى الى شقتها, شعرت بشئ ما غريب , وبمجرد أن فتحت الباب   قالت : من انت ؟ لقد اتصلت بالاستاذ مصطفى محرم  وسألته عن ست الحسن فانكر انه يعرف شئ , وانه لم يرسل لى اى دور, ممكن تقوللى من أنت ؟  قلت أنا ليس لى اى صله بالاستاذ مصطفى محرم,   فقالت  : إذن اين الحلقات قلت هذه ليست حلقات هذا برنامج قالت بدهشه: برنامج . قلت : نعم أنا شريف عبد الوهاب مذيع جديد فى اذاعه صوت العرب . ضحكت كثيرا وقالت اتفضل أدخل  وبعد ان قامت بعمل القهوه   قالت : على فكره أنا  كنت منتظره سيناريو فى مسلسل,وهذا ما سبب هذا اللبس, قوللى بقى  ياعم شريف  عايزنى اعمل ايه فيه ست الحسن يعنى ايه؟ قلت لها ست الحسن فى حدوته اسمها توته توته قالت ياسبحان الله  انا ممكن اعمل ست الحسن  فى الف ليله وليله , لكن انت ماذا تريد؟ قلت يعنى نسترجع حياتك الشخصيه , أنت اللى هتحكى الحدوته وانت متقمصه دورست الحسن اللى هو انت, قالت كده انت عايزنى انافس اختى ابله فضيله ,  اتفضل انا موافقه
س ..كان ياما كان ست الحسن بنت الشيخ توفيق ....اللى اتولدت فى العباسيه .... اتولدت على اصوات البنادق والمدافع.... نكمل الحدوته ..... ولا نقول توته توته؟
محسنه توفيق....  بس الاول انت عرفت الحاجات دى منين؟ الشيخ توفيق عبد العزيز وازيز الطائرات... ونكمل الحدوته ونقول... والدى أختار شقه  فى العباسيه , فى عماره  الشبراويشى فى شارع أسمه الملكه نازلى, اللى  هو الان شارع رمسيس ,وهى كانت عماره من عمارتين واحيداتين ,كان فى الاول شارع فاضى خالص, الان أصبح شارع زحمه , كانت عماره فى غمره وعماره فى الشبراويشى ,جاء ابويا الله يرحمه واخد الدور الارضى ,رغم ان الادوار العاليا لطيفه وجميله وشرحه اكتر وشمس اكتر, واخد الدور الارضى
س..والسبب ايه ؟
محسنه توفيق ...بسبب الغارات ,لا ن الدور الارضى آمان ,كنا فى وقت الحرب ومره حصلت غاره وكنت فى الشارع وكنت وقتها صغيره جدا  فى الوقت ده عرفت يعنى ايه رعب ويعنى ايه خوف من وجوه  الناس
س.. وست الحسن عملت ايه ؟
محسنه توفيق ....و ست الحسن اللى هوأنا أيوه ,على فكره الاطفال قدرتهم على الاستيعاب ضعيفه ,لاننى فاكره إحساسى  وقتهاكان احساس غريب كنت أعتقد إن اللى بيحصل مجرد لعبه بس هى لعبه خطر
س...  ونرجع تانى ونقول كان يما كان ...لما كانت ست الحسن فى مدرسه  من مدارس زمان .... اتعملت فى المدرسه مسرحيه ولما اعتذرت البطله جابوا ست الحسن...... نكمل الحدوته ولا نقول توته توته
محسنه توفيق.... مش معقول مش معقول لا يمكن.. كيف عرفت  هذا؟كيف وصلت الى هذه المعلومه ؟ده انت حافظ تاريخ حياتى فعلا..... نكمل الحدوته لانها حدوته طريفه فعلا..... أنا لم يكن لى  اقصد ست الحسن اللى هوأنا لم تكن لها علاقه خالص بفريق التمثيل بالمره , أنا كنت فى فريق الموسيقى و الغناء,ولم أكن مهتمه أو غاويه تمثيل,. لكن فى المدرسه كانت فرقه الغناء والموسيقى أنتهينا من البروفه وذهبنا على قاعه التمثيل, كانت مسرحيه كده بيعملوها وكان فيه مشرف بيقوم بتدريب البنات على التمثيل, وكانت هناك مشكله حيث أكتشفوا  عدم وجودالبطله. قمت همست فى اذن  احدى البنات, وقلت هو مافيش بديله للبطله, ولم اقصد اى شئ ولم يكن هناك اى جديه للمسأله, فالناظره كانت بتحبنى وسمعتنى ,فقالت يا فلان ياأستاذ فلان لازم يكون فيه بديله ,أحسن يأتى يوم الحفل وتتغيب البطله مثل اليوم وتحدث مشكله, وقدمتنى للاستاذ لكى أقوم بدور البديله للبطله.  وهنا فقط  أكتشفت عمليه التمثيل,
س... كيف أكتشفت ست الحسن عمليه التمثيل؟ وهل تتتذكرى الدور؟
محسنه توفيق.... اكتشفتها عندما اخدت المسرحيه البيت واخذت اتدرب على الدور والدور أنا فاكراه كويس جدا... كان لطفله انفصلت عن جدتها ولم تعرفها أنا لا اذكر التفاصيل لكن المواجه  مابين الجده والطفله  كانت قويه جدا,  وست الحسن اللى هوأنا تخيلت ان الكرسى هو الجده  أخذت تتكلم مع الكرسى ,فى هذه اللحظه اكتشفت عالم سحرى اسطورى, عالم ليس بحقيقى لكنه بحقيقى واد دخل داخل حلم حاله غريبه لكن بها متعه أنا أكتشفتها فى هذه اللحظه واصبحت متحمسه جدا وانا لا أفهم ماذا حدث وفى اليوم التالى جأت البنت اللى المفترض أنها هى البطله  وانا اذكر شكلها لو رايتها فى اى مكان سوف اعرفها  فقال المشرف نجرب اولا البديله فقمت بعمل الدور بالحاله التى عشتها فى البيت فكان بمقايسهم شئ رائع ومبهر, لاننى دخلت فى الحاله. وبعد هذا قالوا  البديله  اللى هى ست الحسن ,هى بطله المسرحيه . طبعا حصل بعد ذالك فى البروفات الواحد يزهق ويمل فلا تأتى الحاله فالمشرف خاف بعد ذالك علمت أنى لكى استحضر الحاله هذا محتاج الى تدريب التدرج والتمرس  وياتى يوم الحفله وأشعر أننى سوف أكون سبب الفشل العظيم ,شعرت بهذا الاحساس العجيب , كنت مرعوبه جدا, رعب لا يوصف لكن لحظه الحفل والصاله هنا كانت حوش المدرسه وتم اطفاء الانوار لكى يبداء العرض ثم تم اضأه المسرح والاضاءه فى الارضيه انا فاكره كويس , وفى لحظه, دخلت مره اخرى هذا الحلم, و هذا العالم السحرى, وقمت بأداء الدور ,وما حدث فى البروفات لم يحدث على المسرح , لدرجه أن مدير التعليم اللى كان موجود ,أعطانى جائزه ,وانا عمرى ما فهمت هو إيه اللى بيحصل, الان  فهمت .
س ...فهمت أيه  بعد مرور هذه السنين على تلك الحدوته؟  
محسنه توفيق .... إنى أنا لولا إنى مثلت بالصدفه, ما كنت أصبحت ممثله, وأنامثلت بهزار, و لوكنت عايزه امثل  او كنت هاويه تمثيل ,عمرى ما  أفكر امثل امام الناس , لكن انا لم أكن مهتمه بهذه المساله . فاخدت الموضوع بهزار وليس بالجد  وكنت حاسه انى كنت بلعب فالهزار انقلب الى جد
س ....  كان ياما كان حصلت ست الحسن على جائزه احسن ممثله فى المسرح القومى كرموها وفى حفل كبير اتلفوا حواليها.... نكمل الحدوته ولا نقول توته توته
فى مهرجان بغدادالمسرحى كانت كل الفرق العربيه أدت جائزه احسن ممثله وفعلا السيده سميحه ايوب عملت لى حفل فى المسرح القومى لتكريمى بعد ما جئت من بغداد 
س.. ونرجع  تانى  ونقول كان يما كان..زعيم كبير حبس ست الحسن وووو..... نكمل الحدوته ولا نقول توته توته
محسنه توفيق... نكمل  لانها حدوته متناقضه  فى المشاعر والاحاسيس والمواقف,الزعيم اللى حبس ست الحسن هو جمال عبد الناصر, لان ست الحسن  كانت معارضه لبعض مواقف  الثوره  وبسببهادخلت السجن فى عهده, كان من المفروض أكره  هذا الزعيم المنطق بيقول كده ,لكن حصل العكس, واللى قاله الخال الابنودى كان صحيح قال فى سجن عبد الناصر اتعلمنا الوطنيه , والابنودى هو ايضا دخل السجن فى عهد عبد الناصر,واللى دخلنى السجن هو اللى اعطانى وسام العلوم والفنون من الدرجه الاولى  الزعيم عبد الناصر,كانت فى اول حياتى الفنيه وكانت حاجه كبيره جدا جدا وفى فيلم العصغور أنا ما كنتش بهيه اللى خرجت علشان تصرخ وتقول هنكمل لا أنا كنت محسنه توفيق  اللى كانت داخل البطله بهيه فى فيلم العصفور
س .... ونرجع تانى ونقول كان يما كان اتحولت ست الحسن للتحقيق بعد اعتذارها عن دورها مديرها اصرعلى التحقيق وست الحسن اصرت على الهروب...... نقول اسم المسرحيه ومديرها  ونكمل  الحدوته .....ولا نقول توته توته
محسنه توفيق.... لا حرام عليك.... حرام  عليك بجد
س... يعنى نقول توته توته
محسنه توفيق....... لا نكمل الحدوته لان ست الحسن  اللى هو أنا..فى الحكايه دى كانت مظلومه جا ءت لها حساسيه وارتفاع فى درجه الحراره واورام فى كل جسمها وحاجه ربويه كده تيجى
س.. واسم المسرحيه؟
محسنه توفيق.... عفاريت مصر الجديده
س...... واسم مدير المسرحيه؟
محسنه توفيق... نبيل الالفى.
س...  ماذا حدث؟
محسنه توفيق ....الذى حدث جاء فجاه ولم يكن موعد عرض المسرحيه ولا اتفاق مسبق على تليتوارفعلا فعلا قبلها بثلاثه ايا م بابلغ ان المسرحيه يبداء عرضها قلت لهم هذا مستحيل لاننى مريضه وعلى فراش المرض فحدثت حاله غير موفقه مع عند وأنا معرف عنى إننى احب شغلى قوى مابهزرش فيه لكننى فيه حاجه مهمه إننى من الممكن ان اذهب الى المسرح حتى على عكازات زى ما بيقولوا لكن هنا شعرت بالظلم احساس بالتعدى حياتك  وصحتك اكتر كتير من غننى ابهدل نفسى لان التمثيل حاجه جميله جدالازم تتعمل بشكل حلو ولابد ان تحترم ولم يكن تم أى تنسيق او اتفاق معى وانا لست جنديا فى حاله حرب أنا لست عسكرى فى معركه يطلع فى اى وقت يكون الوطن عايزه ابسط شى هو التنسيق مع الممثل والاتفاق معا على موعد العرض فلا الوقت الذى يناسبنى أنا كيف نقوم بفتح المسرح وهو لم يكن مفتوح او متفق على ان نقوم بالعرض لو كان العرض مستمر وحدث لى هذه الازمه الصحيه لكنت ذهبت ولكن أن يقال أن العرض والافتتاح بكره فجأه أ،ا فى هذه الحاله شى صعب على اى فنان
س... وكانت نهايه الحدوته ايه؟
محسنه توفيق ... ابستمت وقالت كانت نهايه الحدوته العند بيولد الكفر زى مابيقولوا أنهم بالفعل حولونى للتحقيق وجاء الدكتور وجدنى فى السرير ماذا نفعل وذهبنا للهيئه للمسرح والسينما والمستشار القانونى قال أنا مقتنع بوجه نظرك تماما وكأننى المطلوب أنى اثبت ان فى هذا الوقت كنت على نقاله مثلاأو موجوده فى إحدى المستشفبات وهذا غير معقول او منطقى وعلى الرغم من علم نبيل الالفى باننى مريضه ولن اتى الا أنه اصر على أفتتاح المسرح لاثبات الحاله .... توته توته
س.. فى يوم قالت ست الحسن أنا يتيمه وأبويا موجود...نكمل الحدوته ولا نقول توته توته فرغت الحدوته
محسنه توفيق ...أقولك ...ست الحسن وهى عندها  عشرين سنه شافها مخرج كبير أسمه يوسف شاهين ,كنت بطله مسرحيه  مأساه جميله,يوسف شاور على وقال الِبنت دى مجنونه سينما,كأن المفروض يجرب البت دى فى السينما ,ولو فى اى دور لن اقول لا , كان هيكتشف محسنه توفيق فى السينما,
س...لكن اعطاءك دور بهيه فى  فيلم العصفور
محسنه توفيق...  بعد عشر سنين ولوكان أعطانى الفرصه فى وقتها, هيكتشف قد ايه كنت هبقى مفيده فى السينما ,انا كنت اجبن واقل ادراكا, يعنى يوسف شاهين عندما لا ياتى ويقول لى تعالى اذا هناك شئ خطأ أنا لم اكن مدركه ماذا سوف افعل فى السينما أنا عندما رأيت نفسى فى حادثه شرف اقول اتاخرت فى دخولى للسينما عشر سنين  وتيجى بهيه اعمل دور ام لممثله فى نفس السن فعلقتى بالسينما تتعقد بعض الشئ أنا كان عندى 30 سنه ام  لواحده فى نفس سنى تتعقد حالتى بالسينما والتليفزيون فى ذالك الوقت كان بيغير شكلينا كده هو كان بيغامر فى اشياء كثيره وانا كنت قليله الحظ,  لكننى اكتشفت  فى الاخر كده, إننى أنا يتيمه ويوسف شاهين ابويا ورامينى أخدنى مرتين فسحنى وزارنى مره وجابلى حاجه حلوه لكن عشت فى وجوده يتيمه
 
س... ونرجع تانى ونقول كان يما كان.. ست الحسن اطلبت فى فيلم كبير مع مخرج عظيم و بعدها ست الحسن فى الفيلم ده ... نكمل الحدوته ولا نقول توته توته فرغت الحدوته
محسنه توفيق بحماس شديد... لا نكمل الحدوته لانها حدوته تركت فى أثر كبير جدالعده اسباب
س... نبدا  ونحكى الحدوته من الاول
محسنه توفيق... الفيلم كان اليوم السادس ليوسف شاهين  أيضاواختارنى بعد تفكير وبعد ادوار مميزه قمت بعملها لان يوسف لا يختار عشوائى واخذنى فى حجره واخذ يحكى لى احدوته الفيلم وانا اتخبلت لان الشخصيه فيها منى اللى تعيش فى الخيال بعيدا عن الواقع وهوبيحكى الدور تمثلته لانه دخل وجدانى وعقلى وبصراحه اتهبلت وقلبى ارتجف وقلت له هنصور أمته قالى بعد شهرين ففرحت جدا ودخلنى استديو لاسجل اغنيه ليلى مراد بصوتى لانها نفس توقيت الحدث وبعدها قلت له أنا مسافره وسوف ارجع قبل التصوير وكنت بحلم بكوابيس اننى تأخرت عن بدايه التصوير فكان هذا الكابوس يصيبنى بالهلع والفزع ورجعت قبل التصوير بفتره خوفا على الفيلم ولكن للاسف لم يتصل بى احد  لاكتشف أنه جاء بداليدا فى الفيلم اتصدمت وكانت الصدمه أكبر
س... شعورك أيه وانت بتشوفى فيلم اليوم السادس
محسنه توفيق .....بموت من شده الانفعال, لما يطلبنى ويدى الدور لغيرى, ولما شوفت الفيلم كنت هموت من الغضب عليه .,لانه لا يصح, اكون أنا موجوده والفيلم ده يتعمل من غيرى, ساعات بقول ياعينى يايوسف هو مظلوم معايافى الحكايه دى, لانى محملاه كل المسؤليه حتى المعاير اللى هوه رافضها ,هو نفسه فيه منهاحاجه هونفسه عنده المعاير الغلط,
س.... لماذا تحمليه كل هذه المسؤليه؟
محسنه توفيق....لاننى عندما دخلت الفيلم ,قلت ليوسف شاهين فى نفسى لا أنا كنت قمت بهذا الدور أفضل من كده لابد ان الانسان يعرف قدر نفسه ولكن عزائى ان الاخراج لم يكن موفقا
س... كان يما كان اطلبتى فى السينما والكلام ده كان فى البدايه لكن نكمل
محسنه توفيق..... الله يرحمه حلمى حليم اللى عاش مرحله قدم فيها اجمل وارق افلام للسينا المصريه وانجحهم لكن بدون ابتزال بدون ما يعمل ناس مساخيط وواحد بس هو اللى حلوكانت انسانيه حلمى حليم مشعه فى افلامه وعمق فنهنظرتهىفى الحياه نظرته للفن وللى تكشفك لغتك السينمائيه..... فحلمى حليم من سؤ حظى أنا جالى وقالى تشتغلى فى السينما انا خفت وقلت لا بعد خمس سنوات من هذه الواقعه دى وفعلا ندمت عليها كثيرا
توته توته فرغت الحدوته حلوه ولا ملتوته 
 
محسنه توفيق ...لازم تكون حلوه لانها حقيقيه وقلتها بصدق
بالسينما والتليفزيون فى ذالك الوقت كان بيغير شكلينا كدههو كان بيغامر فى اشياء كثيره وانا كنت قليله الحظ
س... كان يما كان اطلبتى من منج سينمائى فى البدايه لكن نكمل
محسنه توفيق..... الله يرحمه حلمى حليم اللى عاش مرحلهقدم فيها اجمل وارق افلام للسينا المصريه وانجحهملكن بدون ابتزال بدون ما يعمل ناس مساخيط وواحد بس هو اللى حلوكانت انسانيه حلمى حليم مشعه فى افلامه وعمق فنهنظرتهىفى الحياه نظرته للفن وللى تكشفك لغتك السينمائيه..... فحلمى حليم من سؤ حظى أنا جالى وقالى تشتغلى فى السينما انا خفت وقلت لا بعد خمس سنوات من هذه الواقعه دى أن فعلا ندمت عليه
س.... وتوته توته فرغت الحدوته حلو ولا
محسنه توفيق...أتركها للجمهور هو اللى يحكم ويقول أنا حكيت بكل صدق وأمانه...
كان هذا.. أول لقاء جمعنى بها كان فى شهر رمضان  عام 1995وفى رمضان 2019رحلت ,ولتنتهى الحدوته ولكن لم ينتهى تأثير ست الحسن , فمحسنه توفيق قصه لن تنتهى, وروايه عندما تعيد قرأتها ,تكتشفها من جديد, لتقول كانت بيننا ست حسن التمثيل العربى ولم نكن ندرى
 

 
 


وته توته  محسنه توفيق تروى الحدوته ِ


البث المباشر

قناة الإتحاد
إستطلاعات الرأي