نشرت الاستاذة اميره ابنة الموسيقار الكبير المرحوم سيد مكاوي احساسها الفني ورأيها المهني علي صفحتها علي مسلسل مكتوب عليا . واستخلصنا من بين سطورها الرأي المطابق برأينا في المنظومة الانتاجية وان مسلسل الوصية ومكتوب عليا من انتاج كريم ابوذكري واخراج خالد الحلفاوي وطبعا بطوله اكرم حسني توليفه ناجحة , والجديد في رأي أميرة مكاوي وهي التي نشأت وترعرعت علي ارقي الألحان التي أشجت وكونت وجدان جميل في صدور كثير من المستنعين في ثناءها علي الموسيقي التصويرية لمحمد ابوذكري كما اثنت علي كل الادوار والديكور واماكن التصوير 

احببت ان اعيد ما نشرته علي صفحاتنا

                                                             المحرر

كتبت اميره مكتوب

اعتقد ان دي المرة التانية إللي بيجتمع فيها أكرم حسني مع المخرج خالد الحلفاوي، المرة الأولى كانت في مسلسل الوصية، التوليفة دي ناجحة وخالد بيعرف يطلع من أكرم حسني أنجح حاجة فيه.
اكرم حسني موهبة كبيرة ممثل وكوميديان ومؤلف كلمات وملحن ومؤدي شاطر وعنده حضور 
الموهبة إللي من النوع ده بيبقى التعامل معاها مش سهل زي ما ممكن تتصور، بالعكس هو يا تستخدم صح ويطلع منها الوصية ومكتوب عليا، أو غلط فيطلع منها رجالة البيت إللي مكانش ناجح خالص.

القصة بسيطة وايهاب بليل والورشة اللي بتكتب معاه، قادرين ينسجوا حدوتة ضاحكة من غير فذلكة افيهات، ضحك طالع من جوة الحكايه 
وخالد الحلفاوي مخرج مهم جدّا وعنده قدرة على ادارة الجميع بمنتهى الحرفية 
محمد أبو ذكري عامل موسيقى تصويرية لذيذة جدًا 
وديكور اسلام حسن شوقي ناجح خصوصا اختياره للألوان إللي مخليه علي عادل مدير التصوير يورينا صورة مشرقة طول الوقت 
اسماعيل فرغلي/ ايتن عامر/ محمد طعيمة 
والاساتذة عمرو عبد الجليل وحنان سليمان 
كلهم في اماكنهم وعاملين ادوارهم مظبوط 
هنادي مهنى في الاول حسيت انها شوية ان كاست لكن مع الوقت لا بتركز جوه دورها 
المسلسل لطيف جدًا الحقيقة 

لحد هنا ممكن تاخد سكرين شوت